...kann nimmer schlafe, nimmer spachdeln, kann s aafoch nimmer erwarte, am samstag aufzuwache, en Kaffee zu schlürfe, in des nagelnaie, awwer nedd wägglisch schäjnie Eintracht Trikot (sofern s bis Samstag noch geliefert wädd) zu schlüppe unn dann mit aaner Flasch Bier unn dem Schal sorgfälltisch um de Hals gebunde uff moi Kolleschen zu watte, um dann frühzeitisch in rischtung Bahnhof zu pilgern - andere Eintrachtfans zu säje, die genauso Sommerpause geschädischd wirke wie isch, um dann, begleitet vunn de schönste Schlachtgesänge der Liga de lange Weg zum Waldstadion zu bestreite. Joh, s is soweit - endlisch werrer schtadionluft (Kippe, Bier, Schweis unn Bratworschd) zu schnuppern. Was ware s fär seltsame Woche ohne Fussball. Jede Samstag erinnerte misch moi Handy pünktlisch um 15:30 mit dem schäjne Klang vunn "Im Herze vunn Eurobba" unn jede Samstag drückte isch diese Erinnerung aafoch weg unn wußte werrer was mer da so fehlte, awwer des Alls is nun Geschischte - jetz gäjd s lo-oos!
Ach was frai isch misch uff die schönste Kurve Deitschlands!
Keine Kommentare:
Kommentar veröffentlichen